Sansar News
चन्द्रावती अधिकारी, कोहलपुर, बाँके
घुमेँ पाखा पखेरामा बनी फुरफुर
सखा भेट्दा खुसीको क्षण थियो भरपुर
पराई घर पुगेँ छोरी भएकैले
यही हाम्रो थियो चल्ती बनेँ मजबुर
बनी चेली जहाँ आँखा खुले मेरा
त्यही आँगन पुगी टेक्न थिएँ आतुर
सधैँ आफ्ना नजिक हुन्छन् भनी सोच्थेँ
समयले पार्न खोज्यो चाह चकनाचुर
थियो आमाबुबाको काख मन्दिरझैँ
पराईको महलमा झन् भएँ थुरथुर
बहर : हजज मुसद्दस सालिम
अर्कान : मुफाईलुन्, मुफाईलुन्, मुफाईलुन्
वजन : १२२२ – १२२२ – १२२२
काफिया : उर
रदिफ : ०
वि.सं.२०८२ मंसिर ६ शनिवार ०६:२६ मा प्रकाशित
