हामी सबैकाे संसारन्यूज

गजेन्द्र मोक्तान, पाँचथर

अस्तित्व मेटाउन खोजेका
पहिचान गुमाउन खोजेका
हिंसक सिंहको राजलाई
तिरस्कारको आँखाले
आजको सुक्ष्म विश्लेषण
साँच्चै ती कालखण्ड
हलोकोस्ट् लाग्छ
पेरिसमा अपमान सहेको
नाजी लाग्छ
रेड इन्डियन जस्तै
अनि
मन्चुरियामा ज्युँदै पुरिए झै लाग्छ
अस्तित्व मेट्न नखोज्दा
हजारौं पीडाका
दर्दनाक कथाले
आक्रोशको ज्वारभाटा
मस्तिष्कले थुम्थुम्याउन
हम्मे हम्मे पर्छ
हवाईमा ३५३ एयरक्रयाफ्ट झार्दा
अतितका आवेगले
यता अगस्ट ६ र ९ को जस्तै
हिरोसिमा र नागासाकी
बनाउन पनि सक्दिन
ती पुराना वृक्षका दोष देखेर
कलिला मुनालाई (विरुवालाई)
प्रतिशोध लिनु
मानवीय विपरीत हुन्छ
धर्म विपरीत हुन्छ
त्यसैले
नमेटिएका केही
नगुमाएका ती सुन्दर पक्ष
शिलालेखमा लेखिएका छन्
तर
शिलालेखमा लेखिएको
सबूत प्रमाण
पश्चिमी वायुको प्रभावले
कति उडाइ लाग्यो होला
कति उडाउनै छन् बाँकी
चेतनाको दियो
बल्न नसक्दा
अझै
आफूले आफूलाई
चिन्न नसक्दा
ज्ञानको ज्योति
छर्न नसक्दा
वर्तमान कालमा
चिन्तित छु
गुमेका र अझै गुम्ने
छ खतरामा
हिमाली शिर
लाग्छ कहिल्यै नझुकोस्
कहिल्यै नफुटोस्
संरचनाका स्तम्भ ।