हामी सबैकाे संसारन्यूज

तारा विष्ट छन्दार्पण
दाङ हाल मलेसिया

मिलायौ कसोरी खै इसारा भनेजस्तै
दिएको छु मायाको सहारा भनेजस्तै

डुबेको छु प्यासीझैँ नदीभित्र मायाको
म खोज्दै छु हे प्यारी किनारा भनेजस्तै

दिए साथ होला झन् अहा जिन्दगानी यो
सफल हुन्छ जीवनको गुजारा भनेजस्तै

नयन ती प्रिया तिम्रा म देख्दैै छु क्या दामी
नयन हुन् दुवै फेवा र रारा भनेजस्तै

धरा व्योम चुम्दै छन् उज्यालो छरी ज्योत्स्ना
सखा हुन् धराका जून “ तारा “ भनेजस्तै

बहर : तबील मुसम्मन सालिम
अर्कान : फऊलुन् , मुफाईलुन् , फऊलुन् , मुफाईलुन्
वजन : १२२ – १२२२ – १२२ – १२२२
काफिया : आरा
रदिफ : भनेजस्तै
अभ्यास : परिश्रमी पाठशाला