Sansar News
अनुराग अरुण, लुभू, ललितपुर
म ल्याएर प्यारी दिन्छु तारा भनेजस्तै
कहाँ दिन सकिन्छन् लोक सारा भनेजस्तै
तिमीले भने जस्तै अरूले कहाँ भन्छन्
हजुर नै हो मेरो प्राण प्यारा भनेजस्तै
तिमी जिन्दगी मेरो तिमी सास धड्कन हौ
मिलेको छ तिम्रो खुब सहारा भनेजस्तै
नजिकमा भएरै झन् बिराना भयौँ प्यारी
नदीका दुई हामी किनारा भनेजस्तै
अहो स्वर्गकी छौ अप्सराझैँ निकै राम्री
स्वयम् छौ तिमी धर्तीकी रारा भनेजस्तै
बहर : तबील मसम्मन सालिम
अर्कान : फऊलुन् , मुफाईलुन् , फऊलुन् , मुफाईलुन्
वजन : १२२ – १२२२ – १२२ – १२२२
काफिया : आरा
रदिफ : भनेजस्तै
अभ्यास : परिश्रमी पाठशाला
वि.सं.२०८२ पुस १२ शनिवार ०८:१९ मा प्रकाशित
