हामी सबैकाे संसारन्यूज

मुरारीराज मिश्र, कुमारीगाल, काठमाडौँ

’मसंग तिमीभन्दा धेरैगुना बढि शक्ति छ । ठूलो छु, तर पनि तिमीले जसरी चुपचाप काम फत्ते गर्न सक्दिन । जोड्न हैन फोड्न मात्रै आउँछ मलाई, त्यो पनि धेरै समय लगाएर मात्र । तिमी सानो छ्यौ, तैपनि छिटो छरितो र सजिलै मैले गर्न नसक्ने काम गर्छेउ ! यस्तो किन हँ ?’ उसले प्रश्न ग¥यो ।

’पक्कै पनि तिमी म भन्दा निकै ठूलो र शक्तिशाली छौ । तर आत्मियता र नम्रपना तिमीमा पटक्कै छैन । जोडदैनौ, केवल तोड्ने स्वभाव छ तिम्रो ! यही कारण तिमीले अरुको मनमा आफ्नो स्थान बनाउन नसकेको हो । कुनै पनि काम हल्ला गरेर होइन, मैले जस्तै चुपचाप मन जितेर गर्न सक्नुपर्छ ।’ साँचोले हथौडालाई जवाफ दियो ।