हामी सबैकाे संसारन्यूज

काठमाडौं । एन आई सी एशिया बैंक र स्तुपा स्वास्थ्य सेवा सहकारी संस्था (स्तुपा कम्युनिटी हस्पिटल) बीच बैंकका ग्राहक र हस्पिटलका शेयर होल्डर तथा कर्मचारीलाई सेवा सुविधा उपलब्ध गराउने समझदारी भएको छ।

सम्झदारी अनुसार बैंकका ग्राहकहरूले हस्पिटलमा उपचार गर्दा १५ प्रतिशत छुट पाउनेछन्। हस्पिटलका बोर्ड सदस्य, निर्देशक, कर्मचारी र अन्य शेयर होल्डरहरूले बैंकको क्रेडिट कार्डमार्फत विशेष सुविधा प्राप्त गर्नेछन्।

ग्राहकहरूको थप सुविधा सुनिश्चित गर्न हस्पिटल परिसरमा बैंकको एटिएम सेवा पनि सञ्चालन हुनेछ।

सम्झदारीपत्रमा बैंकको तर्फबाट सर्कल हेड–काठमाडौं नर्थ सुदिन कुमार र हस्पिटलको तर्फबाट निर्देशक डा. पेम्बा लामाले हस्ताक्षर गर्नुभएको छ।

बैंकले यस सहकार्यबाट ग्राहक र हस्पिटलसँग सम्बन्धित कर्मचारी तथा शेयर होल्डरहरूलाई सजिलो र परिष्कृत सेवा उपलब्ध हुने विश्वास व्यक्त गरेको छ।