Sansar News
कृष्णप्रसाद गौतम, इटहरी, सुनसरी
सुक्खा छ टारबारी पहराहरू रसाए
झलमल भयो सहरमा झुप्राहरू निदाए
संसार छक्क पार्ने कैयन विचार आए
तर शान्ति सुक्खका पल छैनन् , कता बिलाए
विज्ञान मर्छ रोई भन्थे, छ सत्य लाग्दै
राखेर शान्ति बन्धक हतियार खुब बनाए
बोल्दैन देख्छ जसले बोल्ने छ दृष्टिशून्य
अन्याय न्याय जोख्ने पल्ला र ढक हराए
देखिन्छ खुब तमासा चाला बनावटी छन्
भन्छन् यहाँ कसैले बाँदरले घर सजाए ।
बहर : मुजारे मुसम्मन अखरब
अर्कानब: मफ्ऊलु फाइलातुन् मफ्ऊलु फाइलातुन्
वजन : २२१ – २१२२ – २२१ – २१२२
काफिया : आए
रदिफ : ०
अभ्यास : परिश्रमी पाठशाला
वि.सं.२०८३ साउन १६ शनिवार ०७:४९ मा प्रकाशित
