Sansar News
राजेन्द्रकुमार बज्राचार्य, काठमाडौँ
भावनाभित्र माया पनि हुन्छ सायद
अश्रु बग्दा हियो साह्रै छुन्छ सायद
वेदनामा निकै पीडा देख्छु मैले
दुःखको अश्रुले नै मन धुन्छ सायद
जेलजस्तै भयो जीवन दुःख पर्दा
सुन्छ को कर्णले उल्टै थुन्छ सायद
स्वार्थका लागि बुझ्दैनन् दुःख कोही
किन धनी मात्र खोज्छन् मन रुन्छ सायद
दुःख बुझ्नेहरू आफ्नै ठान्छु किन हो
‘राज’जस्तै रहेकाले सुन्छ सायद
बहर : असम मुसद्दस सालिम
अर्कान : फाइलातुन् मफाईलुन् फाइलातुन्
वजन : २१२२ – १२२२ – २१२२
काफिया : उन्छ
रदिफ : सायद
अभ्यास : उज्यालो पाठशाला
वि.सं.२०८३ साउन १६ शनिवार ०७:५० मा प्रकाशित
