Sansar News
कपिल किशोर घिमिरे, दाङ
मेरी पियारी नजिक आइन् निकै सुस्तरी
मेरो इसारा बुझी खुद मस्किँदैछिन् परी
आशा भरोसा सधैँ तिम्रै छ प्यारी भनेँ
उनले अँगालो कसिन् आफैँ अझै बेस्सरी
पर्दा बिरामी उनी सेवा गरेँ प्रेमले
बन्दै खुसी प्रेयसी झन्डै बनिन् निर्झरी
मेरा हृदयमा प्रिया बस्छिन् सधैँ प्रेमले
हरदम खुसी बन्दछिन् मेरी परी सुन्दरी
जे छन् सबै बाँड्दछिन् दानी उनी छन् निकै
फलफूल जो स्वादिला छन् शुद्ध नानाथरी
बहर : वसित
वजन : २२१२ – २१२ – २२१२ – २१२
अर्कान : मुस्तफइलुन् फाइलुन् मुस्तफइलुन् फाइलुन्
काफिया : अरि
रदिफ : ०
अभ्यास : स्वर्ण पाठशाला
वि.सं.२०८३ साउन १६ शनिवार ०७:५२ मा प्रकाशित
