हामी सबैकाे संसारन्यूज

सपना ! सुन्दर सपना
फुलैफूलको बगैँचामा
ताजा पानीको फोहरासँगै
आँफू उर्लिरहेको सपना !
उभिएको आधारलाई भावनाभित्र
सुन्दर शब्दहरुले सिँगार्दै
एस म्यानहरुको भैलो टोलीसङ्गै
मुक्तिका भजनहरु भट्याइरहेको
गुलियो कक्टेल सपना !!
नाङ्गाका बस्तिहरुमा
भबिस्यका काल्पनिक कपडा बुन्दै
तामशी नास्तामा
नुनेला समोसा बेच्दै गरेको सपना !!!
थोत्रो कटेरी भित्रबाट
निरसिलो निरासाको आँधिलाई रोक्ने
पिरो यथार्थलाई अनुभविले झैँ
सम्मोहन गरिदिने सपना !!!!
फगत सबैका आ–आफ्नै सपना !
बन्धकी सपना बोकेका
ठेकेदार साहित्यकार !
भरिएको बेलुन जस्तै
समभाव सुन्य लेखक !!
के तिमीलाई थाहा छ ??
गरिवका गासभित्र
कति कथाहरु अड्किएका छन ?
सर्वाङ्ग ति जीवनीभित्र
कति कबिता तैरिएका छन ??
कोही पुगेको छ मन टाल्न बेदनाको
भनिदेउ ए मेरा साहित्यकार !
कबिता कहाँ मर्किएको छ ?
ए लेखक ! भनिदेउ
खेतालाको पसिना–शब्द
शब्दले कस्तो कथा मागेको छ ?
मन बहलाउने रुपक मात्रै
वा रुपकले उद्घोषक ?
शब्दमा रमाउने मन्डली
सपना बाँडेर गुजारा गर्ने
सपनामै रमाउने
सपनाहरु बुनेँर
मम : हिताय शोकान्जली !!

बेल्जियम