Sansar News
१३ पुस, एजेन्सी । ईङलिश क्लब साउथह्याम्पटन तथा नेदरलयान्डका सेन्टर ब्याक भर्जिल भान डिज्क किर्तिमानी रकममा लिभरपुल अनुबन्धित भएका छन् ।
२६ वर्षिय डिफेन्डर भान डिज्क ७५ मिलियन पाउन्ड बराबरको रकममा लिभरपुल अनुबन्धित हुने भएका हुन् । जुन रकम डिफेन्डरको लागि तिरिएको अहिलेसम्मकै उच्च हो । यो सिजनको सुरुआतमा मोनाकोबाट ५२ मिलियन पाउन्डमा बेन्जामिन मेन्डी म्यान्चेष्टर सिटीमा अनुबन्धित भएका थिए । उक्त किर्तीमानी तोड्दै मर्सिसाईड क्लब लिभरपुलले भान डिज्कलाई भित्राउने भएको हो ।
यस्तै लिभरपुलले भान डिज्कलाई तिरेको रकम क्लबले अहिलेसम्म तिरेको उच्च रकम समेत हो । लिभरपुलले यस अघि अर्को सिजन आउने गरि जर्मन क्लब आरबी लाईपजिगका मिडफिल्डर नेबी काईतालाई ४८ मिलियन पाउन्ड रकम तिर्दै भित्राउने भएको थियो । जुन रकमको किर्तीमानी तोड्दै लिभरपुलले भान डिज्कलाई भित्राएको हो ।
यस सिजन प्रिमियर लिगमा खेलिएका २० खेलमा २३ गोल खाएको लिभरपुल शीर्ष ४ अन्तर्गत सबैभन्दा धेरै गोल खाने टोली समेत हो । भान डिज्कको आगमनले लिभरपुलको रक्षात्मक लाईन सुधार हुने अपेक्षा गरिएको छ ।
वि.सं.२०७४ पुस १३ बिहीवार ०६:४७ मा प्रकाशित
