हामी सबैकाे संसारन्यूज

जब समय
उल्टो घुम्यो घडीमा
मेरा कामहरु उल्टा भए
मेरा दैनिकी उल्टो भयो
उल्टै भएर बर्तमान
मलाई मैले नै नचिन्ने भए
र पिएर स्वतन्त्रताको मदिरा
बन्द गर्दै हिँडे सडकहरु
आस्था चोरे मन्दिरबाट
आधुनिकताको मुर्ती पुजेपछि
बजेनन् घण्टिहरु अनुशासनका
र गुञ्जएन गुम्बाहरुमा
ॐ माने पेँभे हुँ
विश्वास उखालेर मस्जिदबाट
आर्तकको खेलबाड गरेपछि
सुनिएन आवाज अल्लाहको
मस्तिको मसानसँग
साटेर मेरो इतिहास
झिल्के झाँक्रीको झारफुक लगाएपछि
र म पागल भएकी हुँ ।
म उस्तो हो की
मेरो दुनियाँ उस्तो हो
विचलित भएर मेरो इनाम
झुटको बिरुवा उमार्छु
र फुलाउँछु ढकमक्क
झुटो सपन्नताको फूल
आडम्बर सजाएर छातिभरि
मेरो मुटु देखासेखीको सास फेर्छ
वुर्वानी गरेर दायित्व
मेरो रहर परिवर्तनको नारा लगाउँछ
र मलाई हरेक पल
आफ्नै बेतिथिले हिर्काए पछी
म पागल भएकी हुँ ।
पागल भएकी छु म यसरी पनि
जब
चर्चाको चुरोट सल्काएर आमाहरुले
गराएर न्यू फोटोसुट छोरीको
सामाजिक सञ्जालमा सजाएपछि
युग परिवर्तन श्वास फेर्नेहरु
उत्तेजित भएका छन् वर्तमानमा
जोखेर सुन्दरतासँग
शरिरका भित्री अङ्गहरु
ग्ल्यामरको न्वारान गरेपछी
धूँवा उडेर गयो
मेरो शरिरबाट लज्जाको
र म
चर्चाको चर्खामा घुमिरहेँ फनफनी
कुल्चिएर आफ्नै पैतालाले संस्कार
उत्तर आधुनिकताको सङ्खघोष भयो
अस्तित्व परिवर्तन भएर मेरा
घुम्यो मथिङ्गलपनि
र म पागल भएकी छु
हो हजुर
म पागल भएकै हुँ ।
मानसिकता बिकृत भएपछि घरैभित्र
उशृडखल्ताको नदि बग्यो बाबुहरुमा
र दाहसंस्कार गरेर सम्पूर्ण अभिभावकत्व
मेरो अस्मितामा कुठाराघात भयो
प्रत्येक पल
त्रासदीको तोक्मा भिराएर मेरो घाँटीमा
आफ्नै बाबुले
वंशको क्रयविक्रय गरेर
इमान्दारिताको हत्या गरेर हिँडेपछि
र म पागल भएकी हुँ ।

इति