Sansar News
११ असोज,ताइपेइ (ताइवान) । ताइवानमा आएको भीषण आँधीको कारण त्यहाँ रहेका विद्यालय र सरकारी कार्यलय बन्द गरिएको छ ।
प्रतिघण्टाको १६२ किलोमिटरको दरले मङ्गलबार आएको यस आँधीले पहाडी र द्विप इलाका बढी प्रभावित भएको थियो ।
सरकारी अधिकारीले यस आँधीपछि सर्वसाधारणलाई सतर्क रहन चेतावनी दिएका छन् ।
मेगी नामक यस आँधीको कारण आएको हावा हुरी र भीषण वर्षाको कारण द्विप इलाकामा बाढी र पहिरोको समेत आशङ्का बढेको बताइएको छ ।
सो आँधीको कारण बाढी र पहिरोको भयले पाँच हजार ३३६ व्यक्तिलाई पहाडी इलाकाबाट सुरक्षितस्थानमा लगिएको बताइएको छ ।
मेगी ताइवानमा यस बर्ष आएको चौथो आँधी भएको बताइएको छ । रासस÷एपी
वि.सं.२०७३ असोज ११ मंगलवार ११:०९ मा प्रकाशित
