जापान । जापानमा एकदिनको अन्तरमा दुई नेपालीले आत्महत्या गरेका गरेका छन् ।
मंगलबार मात्रै बाग्लुङकी पुर्णा थापाले आफ्नै कोठाको ट्वाइलेटमा झुण्डिएर आत्महत्या गरेको घटना सेलाउन नपाउँदै बुधबार ललितपुरका राजेन्द्र मर्हजनले आत्महत्या गरेका हु्न ।
अध्ययनका लागि जापान पुगेका २९ वर्षे मर्हजनले पनि पुर्णाले जस्तै ट्वाइलेटमा झुण्डिएर बुधबार जेठ २ (मई १७) का दिन आत्महत्या गरेका हुन् । उनी झुण्डिएको अवस्थामा मृत फेला परेका थिए ।
साथीहरुको फोन नउठाएपछि कोठामा गएर ढोका ढक्ढक्याउँदा नखोलेपछि प्रहरीले ढोका खोलेर हेर्दा उनी मृत अवस्थामा फेला परेको बताइएको छ । सोमबारदेखि साथीहरुसँग सम्पर्कबिहिन भएर बसेका उनले केहीदिन अघि फेसबुक निस्क्रिय बनाएको थिए भने उनी अविवाहित रहेको बताइएको छ ।

 जापानमा एक नेपाली महिलाद्धारा आत्महत्या