१४ असोज, काठमाडौ । नेकपा क्रान्तिकारी माओवादीले २०७३ असोज १३ गते व्यवस्थापिका संसदको बैठकद्वारा पारित औद्योगिक व्यवसाय विधेयक २०७३ प्रति आपत्ति प्रकट गरेको छ ।
अध्यक्ष मोहन वैद्य ‘किरण’द्वारा जारी विज्ञप्तिमा यस विधेयकले औद्योगिक मजदुरहरुको पेशागत आन्दोलनसम्बन्धी हक अधिकारमाथि गम्भीर आघात पुरयाएको र यो मजदुर वर्गको लोकतान्त्रिक अधिकार तथा हकहित विरोधी रहेको भन्दै सरकारसित यस विधेयकलाई तुरुन्त खारेज गर्न र मजदुर वर्गको हकहितमाथि आघात नपुरयाउन माग गरेको छ । ।
