Sansar News
२० असोज, पेरिस (फ्रान्स) । फ्रान्सका राष्ट्रपति फ्राँस्वा अलान्दले बुधबार युरोपेली युनियन (ईयू) को नयाँ मानवीय सहायता योजनालाई अलेप्पो क्षेत्रमा पु¥याउनुपर्ने बताएको उहाँको कार्यालयले जनाएको छ ।
अलान्दले अलेप्पोमा देखिएको द्वन्द्व र यसबाट निम्तिएका गम्भीर अवस्थामाथि ध्यान दिँदै ईयूको नयाँ सहयोग द्वन्द्वपीडित सिरियाली नागरिकमा केन्द्रित गर्नुपर्ने बताउनुभयो ।
ईयूले पनि अलेप्पोमा सरकारी तथा संयुक्त गठबन्धन सेनाको आक्रमणबाट हजारौँ नागरिक विस्थापित बनेको र उनीहरूलाई औषधि, खानेपानी र खाद्यान्नको अभाव भएको छ ।
यसैलाई मध्यनजर गर्दै ईयूसँग मानवीय सहायताका लागि सञ्चित औषधि, खाद्यान्नलगायतका आधारभूत आवश्यकता पूरा गर्न ईयूले सहयोग उक्त क्षेत्रमा पु¥याउनुपर्ने अलान्दले बताउनुभयो ।
अलेप्पो सिरियाली जिहादी विद्रोहीको राम्रो पकड भएको क्षेत्र हो जहाँ एक लाख ३० हजार नागरिकलाई आधारभूत मानवीय सहायताको अभाव देखिएको छ । सिन्ह्वा
वि.सं.२०७३ असोज २० बिहीवार ०३:५५ मा प्रकाशित
