Sansar News
२७ असोज, काठमाडौँ । बडादसैँअन्तर्गत आश्विन शुक्ल तिथि द्वावदशी तिथी दिन आज पनि आफ्ना मान्यवरबाट टीका र जमरा तथा आशीर्वाद लिने क्रम जारी छ ।
हिन्दू धर्मावलम्बीहरुको महान् चाड दसैँको मुख्य टीका दशमीको दिन भए पनि टाढाटाढा जानुपर्नेहरुले कोजाग्रत पूर्णिमाका दिनसम्म यो क्रम जारी राख्छन् । काठमाडौँ उपत्यकाभित्र र बाहिरबाट टीका थापेर आउने जानेको ओहोरदोहोर देख्न सकिन्छ ।
दसैँ मनाउन काठमाडौँ उपत्यका बाहिर गएकाहरु पनि क्रमशः आउन थालेकाले काठमाडौँका सडकमा सवारीको मात्रा सामान्य बढेको देखिन्छ ।
वि.सं.२०७३ असोज २७ बिहीवार ०२:११ मा प्रकाशित
