प्रसिद्ध धार्मिक एवम् पर्यटकीयस्थल मोदीवेणी धाममा निर्माणाधीन वृद्धाश्रमलाई गैरआवासीय नेपाली सङ्घ बेल्जियमले सहयोग गरेको छ ।
पर्वत र छिमेकी बाग्लुङबाट बेल्जियममा पुगेका गैरआवासीय नेपालीले सङ्कलन गरेको रकम वृद्धाश्रम निर्माण समितिलाई हस्तान्तरण गरिएको हो । मोदीवेणी ज्येष्ठ नागरिक आश्रम विकास समितिका अध्यक्ष दीर्घनारायण श्रेष्ठलाई शुक्रबार रु दुई लाख ६७ हजार सहयोग हस्तान्तरण गरिएको छ । उक्त सहयोग सांसद अर्जुनप्रसाद जोशीले समितिलाई हस्तान्तरण गर्नुभयो । बेल्जियममा रहेका हिक्मत श्रेष्ठको पहलमा उक्त रकम सङ्कलन गरिएको हो ।
सहयोग हस्तान्तरण गर्दै सांसद जोशीले ज्येष्ठ नागरिकको हितका लागि गरेको सहयोगले पुण्यको काम गरेको बताउनुभयो ।
-->
