हामी सबैकाे संसारन्यूज

२९ असोज, कायरो (इजिप्ट)। इजिप्टको सिनाई प्रायद्विपमा इस्लामिक स्टेट समूहमा आवद्ध जिहादी समूहले सेनाको सुरक्षा जाँच स्थलमा शुक्रबार आक्रमण गर्दा कम्तिमा नौ जना सैनिक अधिकारीको मृत्यु भएको सुरक्षा स्रोतले जनाएको छ ।

सेनाले नागरिकको सुरक्षालाई मध्यनजर गर्दै उक्त नाकाबाट वारपार गर्ने मानिसहरूलाई जाँच गरी पठाइरहेका बेला भएको तोप आक्रमणमा परी नौजना सेनाको ज्यान गएको र केही सैनिक घाइतेसमेत भएका सेनाद्वारा शुक्रबार जारी एक विज्ञप्तिमा जनाइएको छ ।

यसैबीच सुरक्षाकर्मीमाथि भएको आक्रमणपछि गरेको जवाफी कारबाहीमा करिब १५ जना जिहादी विद्रोहीको समेत मृत्यु भएको विज्ञप्तिमा जनाइएको छ ।

घाइते सबैलाई नजिकैको एक अस्पतालमा पु¥याई उपचार सुरु गरिएको र केहीको स्वास्थ्य स्थिति चिन्ताजनक रहेको उपचारमा संलग्न चिकित्सकहरूले बताएका छन् । रासस÷एएफपी