हामी सबैकाे संसारन्यूज

शेर साङबो शेर्पा,सौल कोरिया । नेपाल आदिवाशी जनजाति पत्रकार महासंघ दक्षिण कोरियाको अगस्त १९ तारिखका दिन हुन गइरहेको दोस्रो अधिवेशनको तयारी सम्पन्न भएको छ ।

नेपालबाट विभिन्न पेशा, ब्यवसाय, अध्ययन गर्न र रोजगारीको सिलशिलामा कोरिया पुगेका नेपाल आदिवासी जनजाति पत्रकारहरु संगठित भई स २०१३ मा नेपाल आदिवाशी जनजाति पत्रकार महनसंघ दक्षिण कोरियाको स्थापना गरेका थिए ।

कोरियामा रहेका जनजाति पत्रकारहरुले दक्षिण कोरियाको बिभिन्न सामाजिक घटनाक्रम र खोजमुलक पत्रकारितामा महत्वपूर्ण भूमिका निभाउदै आईरहेका छन् भने आगामी दिनहरुमा जनताको सूचना को अधिकार थप सुनिश्चित गर्न प्रभापकारी ढंगले पत्रकारिताको भूमिका आवश्यक रहेको हुँदा बृहत छलफल गरि अगाडि बढ्ने उद्देश्यले यही आईतबार अगष्ट १९ तारिक थेजनमा दोस्रो अधिवेशन आयोजना गरिने भएको छ । उक्त अधिवेशनमा कोरियामा रही विभिन्न मिडियामा संलग्न रहेका आदिवासी जनजाति मूलका पत्रकारहरुको सहभागी रहने भएको छ । अधिवेशनमा बिभिन्न विचार विमर्श गरी फोनिज कोरियाको भावी कार्यनीति तय गरीने भएको छ ।

कार्यक्रम सफल बनाउन दक्षिण कोरियामा रहेका सम्पूर्ण जनजाति संघ संस्था र पत्रकारितामा क्षेत्र मा संलग्न सबैलाई उपस्थित भई दिनु हुन आयोजकले कमिटिले अपिल गरेको छ ।
कार्यक्रम हुने मिती र स्थान निम्न अनुसार रहेको छ ।

मिती : २०१८ अगष्त १९ तारिख , आइतबार
समय : दिनको १२ बजे
स्थान : सगरमाथा रेष्टुरेन्ट, थेजन यक