हामी सबैकाे संसारन्यूज

१ असोज, काठमाडौँ । सरकारले नेपाल वायुसेवा निगमको कार्यकारी अध्यक्षमा मदन खरेललाई नियुक्त गरेको छ ।
शुक्रबार बसेको मन्त्रिपरिषद् बैठकबाट संचालकमा नियुक्त गरेर खरेललाई आइतबार साँझ बसेको मन्त्री परिषद बैठकले कार्यकारी अध्यक्ष बनाउने निर्णय गरेको हो । खरेल निगमको पुर्व महाप्रबन्धक समेत हुन् ।
पछिल्लो समय निगमले दुई वटा वाईडबडी खरिद गर्दा अनियमितता भएको आरोप समेत लागेको छ । तत्कालीन नेकपा एमालेको कोटाबाट पर्यटन मन्त्री बनेका कृपासुर शेर्पाको पालामा कंसाकारलाई २०७१ जेठ १४ गते ४ वर्षका लागि निगमको महाप्रबन्धक पदमा नियुक्त भएका थिए । ०७० चैतमा खरेलले महाप्रबन्धकबाट राजीनामा दिएपछि रिक्त स्थानमा कंसाकार महाप्रबन्धक भएका थिए ।