Sansar News
१ असोज, काठमाडौ । महिला पत्रकारहरुको छाता संगठनको अध्यक्षमा पत्रकार नितु पण्डित निर्विरोध निर्वाचित भएकी छन् ।
संचारिका समुहको आइतबार (३१ भदौ) का दिन सम्पन्न २२ औं साधारणसभाले पण्डितको नेतृत्वमा १३ सदस्यीय कार्यसमिति निर्वाचित गरेको छ ।
समुहको उपाध्यक्षमा कमला पन्थी, महासचिवमा बिमला थुम्खेवा, सचिवमा यशोदा अधिकारी, कोषाध्यक्षमा सीमा शर्मा र सदस्यहरुमा कविता थापा, कृति भट्टराई, दुर्गा कार्की, बसन्ती वास्तोला,सञ्चिता घिमिरे, उर्वशी बस्न्यात, रुबी रौनियार, पवित्रा सुनार निर्बिरोध चयन भएका छन् ।
प्रत्येक दुई वर्षमा नयाँ नेतृत्व छनौट गर्दै आएको उक्त समुहको अध्यक्षले दुई कार्यकाल भन्दा बढी संस्थाको नेतृत्व लिन नपाउने प्राबधान रहेको छ । साथै यसपटक सबै पदाधिकारीहरु निर्विरोध चयन भएको बताइएको छ ।
नेपाल सरकारका उपप्रधानमन्त्री तथा रक्षामन्त्री इश्वर पोखरेल तथा महिला, वालवालिका तथा जेष्ठ नागरिक मन्त्री थममाया थापाको आतित्थमा सम्पन्न उक्त २२ औं साधारणसभा तथा ७ औं महाधिबेशनले संचारगृहहरु लैङ्गिकमैत्री हुनुपर्ने लगायतका ११ बँुदे काठमाडौँ घोषणापत्र जारी गरेको छ ।
वि.सं.२०७५ असोज १ सोमवार ०९:१३ मा प्रकाशित
