हामी सबैकाे संसारन्यूज

१२ असोज, काठमाडौं । गाउँकै डाक्टर उत्पादन गर्ने उद्देश्यले मकवानपुरको एक दुर्गम गाउँपालिकाले एमबिबिएर पढ्ने गाउँका विद्यार्थीलाई आर्थिक सहयोग (छात्रवृत्ति) गर्ने भएको छ ।
जिल्लाको सुदूरपूर्वमा पर्ने वागमति गाउँपालिकाले प्रत्येक वर्ष डाक्टर अध्ययन गर्ने विद्यार्थीलाई १० लाख रुपैयाँ सहयोग गर्ने गाउँपालिका अध्यक्ष सर्केस घलानले बताए । ‘आर्थिक अवस्था कमजोर भएको कारण पढाइबाट बञ्चित नहोस् भन्ने उद्धेश्य हो,’ उनले भने, ‘प्रत्येक वर्ष प्रदान गर्छौ, अर्को वर्ष नयाँ वा सोहि व्यक्तिलाई निरन्तरण पनि हुन सक्छ ।’ आजको कान्तिपुर दैनिकमा समाचार छ ।

गाउँपालिकाको लगानीमा गाउँकै विद्यार्थीले डाक्टर गरेपछि कम्तिमा गाउँमै आएर स्वास्थ्य सेवा उपलब्ध गराउने छ भन्ने गाउँपालिकाका जनप्रतिनिधिहरुको अपेक्षा छ ।