हामी सबैकाे संसारन्यूज

चुनावी प्रचारप्रसारका क्रममा सम्पन्न सो कार्यक्रम तेस्रो र अन्तिम बहस भएको जनाइएको छ ।

नेभादा राज्यको लस भेगासस्थित एक विश्वविद्यालयमा स्थानीय समयानुसार बुधबार साँझ ६ः०० बजेदेखि सुरु भएको टेलिभिजन बहस करिब दुई घन्टासम्म चलेको थियो ।

प्रत्यक्ष प्रसारण गरिएको सो बहसमा मुख्य, मुख्य दस विषयः कर प्रणाली, रोजगारीका अवसर सिर्जना, आप्रवासीसम्बन्धित समस्या, वैदेशिक नीति, वाणिज्य तथा वैदेशिक व्यापार, नियम कानूनको परिपालना, बालबालिका संरक्षण, बन्दुकको स्वामित्वसम्बन्धि ऐनलगायत अन्य धेरै आन्तरिक तथा बाह्य मामिलामा दुबै उम्मेदवारले आ–आफ्नो धारणा प्रस्तुत गरे ।

बहस र बादविवादका क्रममा दुवै उम्मेदबार आ–आफ्नो पार्टीको नीतिगत भिन्नता पुष्टि गरी श्रोताको मन जित्न खोज्नुभन्दा आ(आफ्नै अडानमा रही ब्यक्तित्वको टक्कर वा जुङगाको लडाईमा भुलेका प्रतित हुन्थ्यो ।

आप्रवासी समस्याबारे ट्रम्पले एकपटक स्पेनी भाषाको शव्दबाट “कुमनसाय लिएका खराब मानिस” (ब्याड होम्बर्स)लाई अमेरिकाबाट धपाउनुपर्छ भन्ने सम्बोधन गर्दा “होम्बर्स” शव्द मेक्सिकाली आप्रवासीलाई लक्षित गरिएको हो भन्ने अर्थ लाग्न गई तत्कालै यसको विश्वब्यापी तीव्र प्रतिक्रिया र विरोध भयो । लाखौँ ब्यक्तिले अनलाइन र ट्वीटरबाट यसको विरोध साथ आक्रोस पनि पोखेका छन् ।