हामी सबैकाे संसारन्यूज

२ पुस, काठमाडौं । अष्ट ज का परिकल्पनाकार, डा दुर्गादत्त पौडेललाई स्वागत तथा सम्मान गरिएको छ ।
अष्ट ज अभियानका आइसीसी संयोजक, अष्ट ज युएसएका अध्यक्ष तथा अष्ट ज अनुसन्धान तथा विकास केन्द्र नेपाल (आरडिसी) का पूर्वअध्यक्ष समेत रहेका डा. दुर्गादत्त पौडेललाई कलंकीस्थित आरडीसीको कार्यालयमा आइतबार एक कार्यक्रमको आयोजना गरेर सम्मान तथा स्वागत गरिएको हो ।

आरडीसीका अध्यक्ष पुष्प मोक्तानले डा. पौडेललाई स्वागत गर्दै भर्खर मात्र अमेरिकाको हवाइ राज्यमा दर्ता भएको अष्ट ज युएसएको कार्यसफलताको कामना गर्दै देशको आर्थिक समृद्धिमा सहयोग पु¥याउन अष्ट ज युएसएले ठूलो भूमिका खेल्ने आसा गरेको बताएका थिए ।

स्तै डा. पौडेलले अष्ट ज युएसएले नेपालका लागि तीनवटा प्रोजेक्ट प्रस्ताव गरिएको बताए । उनका अनुसार काठमाडौं भ्याली इन्भारमेन्ट प्रोजेक्ट, तनहुँको तनहुँ नगरपालिकामा तीनसय घरधुरीका लागि अग्र्यानिक तरकारी प्रोजेक्ट तथा तनहुँको चुदेरमा खानेपानीको प्रोजेक्ट प्रूताव गरिएको छ । डा. पौडेलका अनुसार सन् २०२० मा नेपालमा अष्ट जका विज्ञहरुको सम्मेलन गर्ने तयारीमा अष्ट ज युएसए रहेको छ ।
त्यस्तै डा. पौडेलले उत्पादकदेखि उपभोक्तासम्म आधारीत अष्ट ज कृषि सहकारीमा जोडिर्दै सहकारी अभियान सफल बनाउन लाग्नका लागि सबैंलाई आग्रह गरेका थिए ।

आरडिसीका महासचिव डा. विष्णु चापागाईँको सञ्चालन रहेको उक्त कार्यक्रममा अष्ट ज अभियानका सल्लाहकार रामलाल श्रेष्ठ अभियन्ताहरु डा. उद्धव खड्का, माधव अधिकारी, हरि भुसाल, चन्द्रिका राना (चन्दा) लगायतको उपस्थिति रहेको थियो ।