हामी सबैकाे संसारन्यूज

२ माघ काठमाडौ । अपराधमा संलग्न विदेशी नागरीक फरार हुँदा चार अर्ब जरिवाना असुल्न बाँकी छ । तीन सय वर्षभन्दा बढी कैद भुक्तान भएको छैन । अदालतबाट अन्तिम फैसला भइसके पनि ठुलो मात्रामा बिगो असुल्नुपर्ने अपराधी विदेशतिरै निर्धक्क बसिरहेका छन् ।

जिल्ला अदालतको तहसिलको ढड्डामा अपराधबापत विदेशी नागरिकबाट असुल्नुपर्ने बिगो र जरिवानाको हिसाब मात्रै छ । सबैभन्दा बढी मुद्धा दायर हुने काठमाडौ जिल्ला अदालतको अभिलेखमा विदेशीबाट असुल्नुपर्ने २०११ सालयताको दण्ड र जरिवानाको चाङ छ ।

कर्तव्यज्यान, लागुऔषध, अवैध मुद्रा निकासी, जाली राहदानी, भ्रष्टाचार, डकैती, मुर्ती चोरी, बलात्कार, मानवओसारपसार,हातहतियार खरखजाना , खोटा चलन, विदेशी विनिमय, वैदेशीक रोजगार, अवैध कारोबार लगायत मुद्धा छन् । त्यसमा तीन सय ८३ विदेशी नागरिकलाई कैद ठेकिएको छ । आजको अन्नपुर्ण पोस्ट दैनिक समाचारमा छ ।