हामी सबैकाे संसारन्यूज

१४ फागुन, काठमाडौ । नेपाल तिब्बती शरणार्थी संख्या १४ हजार पुगेको छ । गृह मन्त्रालयले हाल १४ हजार तिब्बती शरणार्थी रहेको जानकारी दिदैँ उनीहरु सबैको विवरणलाई सफ्टवेयर बनाएर डिजिटाइज्ड गरिएको जानकारी दिएको छ ।

विवरण व्यवस्थित गरी सबै तिब्बती शरणार्थीलाई विशेष निगरानीमा राखिएको गृहले जानकारी दिएको छ । गृहका पछिल्ला वर्षमा तिब्बती शरणार्थी संख्या बडेको छ । गृहका एक अधिकारीका अनुसार विगतका सरकारले तिब्बती शरणार्थीप्रति लचिलो नीति लिएका कारण पछिल्ला केही वर्षयता तिब्बती शरणार्थीको संख्या बढेको हो । तर, नेकपा नेतृत्वको बहुमतको सरकारले भने तिब्बती शरणार्थी आउने क्रममा कडाइ गर्न थालेको स्रोतले जानकारी दिएको छ ।

विगतका सरकारको केही खुकुलो नीतिका कारण तिब्बती शरणार्थीको संख्या केही बढेको हो, अब भने केही कडाइ गरिएको छ, गृहका ती अधिकारीले भने । मंगलबारको राजधानी दैनिकबाट ।