हामी सबैकाे संसारन्यूज

१९ फागुन, धादिङ । चेपाङ बस्ती रहेको दक्षिणी भेगमा पर्ने बेनीघाट राराङ गाउँपालिकास्थित गोराङमा अहिलेसम्म बिजुली पुगेको छैन । टुकी र सोलारका भरमा रहेका गोराङबासी गाउँलाई एज्यालो बनाउने प्रयास छन् । उनीहरु बिजुली पुर्याएर गाउँ झलमल्ल पार्ने सपना देखिरहेका छन् । भर्खरै सडक पुग्दै गरेको गाउँमा बिजुली नपुग्दै कम्प्युटर पुगेको छ । गाउँपालिकाले गोइराङ आधारभुत विद्यालयलाई तीनवटा कम्प्युटर र प्रिन्टर प्रदान गरेको हो ।

पृथ्वी राजमार्गको हुग्दीखोलाबाट ग्रामीण बाटो हुदै पुग्न सकिने विद्यालयमा चारवटा कम्प्युटर छन् । तीनवटा कम्प्युटर गाउँपालिकाले दिएको हो भने एयटा विद्यालयको नै हो । बिजुलीको अभावमा कम्प्युटर प्रगोगविहीन बनेको विद्यालयकी शिक्षिका सुष्मा भट्टाराईले बताइन् । आइतबारको नागरिक दैनिकमा सरीता श्रेष्ठले लेखेकी छन् ।