Logo
१० कार्तिक २०७८, बुधबार
     Wed Oct 27 2021
E-paper
  English Edition
   Unicode
Logo

पेरिसस्थित एक शिविरबाट तीन हजार आठ सय शरणार्थी अन्यत्र सारियो



२० कात्तिक, पेरिस (फ्रान्स) । पेरिसको उत्तरपूर्वी क्षेत्रमा रहेको एक शरणार्थी शिविर सुरक्षाका लागि समस्या भएको भन्दै पेरिस प्रहरीले उक्त शिविरलाई अर्को स्थानमा सारेको छ ।

करिब तीन हजार ८०० शरणार्थी बसोबास गर्दै आएको स्टालिन गार्ड क्षेत्रमा अवस्थित उक्त शिविर फ्रान्सको कलाइसस्थित जङ्गलमा रहेको एक अर्को शिविर खाली गरिएको करिब दुई हप्ता नबित्दै खाली गरी अन्यत्र सारिएको पेरिसका उत्तर क्षेत्रीय प्रहरी अधिकारीले बताए ।

यसअघि फ्रान्सको जङ्गलमा अस्थायी शिविर बनाई बसेका शरणार्थीका टहरा फ्रान्स सरकारद्वारा एक्सकाभेटर लगाई भत्काई दिएपछि बालबालिका सहित दर्जनौ शरणार्थीले खुला आकाशमुनि रात बिताउन बाध्य भएका तर बाँकि अस्थायी शिविरलाई पनि हटाउने अभियानमा प्रशासन लागेपछि आपूmहरू समस्यामा परेको, एक अफगानी किशोरले बताएका थिए ।

फ्रान्स प्रशासनद्वारा कालाइसिस र वरपरका क्षेत्रमा रहेका शरणार्थी शिविरलाई स्थानान्तरण गर्ने भन्दै गत हप्ता नाटकीय रूपमा भत्काइदिएको थियो ।

तर यसको प्रतिवाद गर्दै फ्रान्सको गृह मन्त्रालयले कालाइसिस र वरपर रहेको जङ्गली क्षेत्रलाई सफा गरी पाँच हजार आप्रवासीलाई अन्यत्र सारिएको जनाएको थियो ।

मन्त्रालयले करिव एक सय आप्रवासीले आफ्ना नातेदार बेलायतमा रहेको भनी त्यसतर्फ जाने योजना अन्तर्गत जर्वजस्ती जङ्गल क्षेत्रमा बसिरहेको बताएपनि उनिहरूलाई पछि स्थानान्तरण गरिसकिएको छ । एएफपी


यो खबर पढेर तपाईलाई कस्तो महसुस भयो ?

काठमाडौं । एकसातादेखि निरन्तर बढिरहेको सुनको मूल्य आज एकैदिन ६०० रुपैयाँले घटेक छ ।

कास्की । नेकपा (एमाले)ले कास्कीका तीन पालिकामा सर्वसम्मत नेतृत्व चयन गरेको छ । मङ्गलबारदेखि

काठमाडौं । बागमती प्रदेश सरकारले सहुलियत ऋण लगानी कार्यक्रममा सहभागी हुन कृषक तथा विभिन्न

काठमाडौं । यातायात व्यवस्था विभागले मंगलबारदेखि सवारी चालक अनुमति पत्र (लाइसेन्स)को नयाँ आवेदन खुलाएको