Sansar News
७ चैत, काठमाडौं । भारतमा उत्पादित गुणस्तर फेल भएका औषधि नेपाली बजारमा खुलेआम रुपमा छ्याप्छ्याप्ती बिक्रि हुने गरेका छन् । सरकारले प्रभावकारी बजार अनुगमन नगर्दा त्यस्ता औषधि नेपाली बजारमा खुलेआम बिक्री हुँदै आएको छ । जसको प्रत्यक्ष मारमा उपभोक्ता परेका छन् ।
गुणस्तरहीन औषधिले उपभोक्तामा गम्भीर साइड इफेक्ट पार्ने चिकित्सकले बताएका छन् ।
३७ भारतीय कम्पनीका औषधि गुणस्तहीन भएको पाइएको छ ।
भारतको सेन्ट्रल ड्रग स्टान्डर्ड एण्ड कन्ट्रोल अर्गनाइजेशनले हालै सार्वजनिक गरेको प्रतिवेदन अनुसार विभिन्न कम्पनीका औषधिको गुणस्तर फेल भएको छ । गुणस्तर परीक्षणका आधारमा भारत सरकारले प्रतिवेदन सार्वजनिक गरेको हो । विहिबारको राजधानी दैनिकमा प्रशान्त वलीले लेखेका छन् ।
वि.सं.२०७५ चैत ७ बिहीवार ०८:२४ मा प्रकाशित
