(१)
क्षितिज पारीको त्यो बस्तीमा जून पठाउनु छ ।
सम्झनामा असिम प्यारको, सगुन पठाउनु छ ।
भक्कानिदै रुन्छन अरे मन अमिलो पार्छन अरे
झर्दा आँशु पुस्ने रूमाल अनि नून पठाउनु छ ।
आधी हुरी चलिरन्छ मनमै खडेरी लाग्यो भन्छन
फेरि अब मरुभूमि बाटै मनसुन पठाउनु छ ।
पलायन भए मालीहरु सुनसान छन बगैचा पनि
फूलको डाली सँगै भमराको भुनभुन पठाउनु छ ।
कसले बुज्छ दुःख पीडा पसिनाको मूल्य छैन
भाइलाई आईफोन श्रीमतीलाई सुन पठाउनु छ ।
(२)
एउटै थियो मुटु मेरो दुई तिर फटाउन सकिन ।
तिमी बाहेक यो दिलमा अरु अटाउन सकिन ।
कसैलाई माया गर्दा सारा संसार जल्यो हजुर
दुश्मन भए सबै मेरो तर माया हटाउन सकिन ।
सुन्दर भन्छन यो दुनिया मलाई फिक्का लाग्छ
तिमीलाई भुलेर एकपल पनि कटाउन सकिन ।
कसले रोक्ने कसले छेक्ने वचनका तीरहरुलाई
झर्यो आँसु रोक्न सक्ने पहरे दार खटाउन सकिन ।
जोड्दै थिए खुशीहरु कुन बैरीको आँखा लाग्यो
बल्झि रहयो तिम्रो यादहरु मैले घटाउन सकिन ।
पांचखपन नगरपालिका– ४ संखुवासभा
वि.सं.२०७५ चैत २३ शनिवार १०:३० मा प्रकाशित
