Sansar News
२६ चैत, काठमाडौं । वंजका आधारमा नागरिकता दिन मुलुकभरका जिल्ला प्रशासन कार्यालयलाई गृहमन्त्रालयले गरेको परिपत्र (सर्कुलर) रोक्न सर्वोच्च अदालतले सोमबार अन्तरिक आदेश दिएको छ ।
वंशजका आधारमा नागरिकता प्रदान गर्न सकिने गरी गृहले चैत १९ गते सुर्कलर गरेको थियो । गृहमन्त्रीको राम बहादुर थापाको एकल निर्णय अनुरुप गरिएको उक्त सर्कुलर संविधान र नेपाल नागरिकता ऐनविरुद्ध भएको दाबी सहित वरिष्ठ अधिवक्ता बालकृष्ण नेउपानेले सर्वोच्चमा रिट दिएका थिए ।
जन्मका आधारमा नागरिकता प्राप्त नागरिकको सन्ताले आफ्नो बाबु र आमाको नागरिकता संलग्न गरी निवेदनमा दिएमा वंशजको आधारमा नागरिकता दिन थापाले निर्देशन दिएका थिए ।
रिटमा सुनुवाईपछि सर्वोच्चका न्यायाधिश पुरुषोत्तम भण्डारीको एकल इजलासले प्रधानमन्त्री, तथा मन्त्रिपरिषद् कार्यालय, गृह मन्त्रालय र मन्त्री थापाका नाममा निर्णय कार्यान्वयन नगर्न आदेश दिएको हो । मंगलबारको अन्नपूर्णपोष्ट दैनिकमा यम विरहीले लेखेका छन् ।
वि.सं.२०७५ चैत २६ मंगलवार ०७:४२ मा प्रकाशित
