हामी सबैकाे संसारन्यूज

२६ चैत, काठमाडौं । प्रधानमन्त्री र प्रधानन्यायाधिशको निवासभित्रैको जग्गा ‘माफिया’ र भूमिसुधार कार्यालय, डिल्लीबजारका कर्मचारीको मिलेमतोमा व्यक्तिका नाममा दर्ता गरिएको पाइएकोछ ।

३४ रोपनी १३ आना २ पैसा जग्गामा फैलिएको प्रधानमन्त्री निवसाभित्रका ३ रोपनी १० आना जग्गा व्यक्तिको नामा दर्ता भइसकेको छ । १४ रोपनी १० आना क्षेत्रफलमा रहेको प्रधानन्यायाधिश निवासको २ रोपनी १४ आना जग्गा पनि व्यक्तिको नाममा छ ।

पूर्वसचिव शारदा प्रसाद त्रितालको संयोजकत्वमा गठित समितिले बालुवाटारस्थित प्रधानमन्त्री र न्यायाधीश निवासको जग्ग व्यक्तिका नाममा दर्ता भइसकेको फेला पारेको हो । समितिको प्रतिवेदन अनुसार बालुवाटार र वरपरको ११३ रोपनी भन्दा बढी सरकारी जग्गा अतिक्रमणमा परिसकेको छ । मंगलबारको कान्तिपुर दैनिकमा बलराम बानियाँ र घनश्याम खड्काले लेखेका छन् ।