१ बैशाख, काठमाडौं । न्यायपरिषद्ले सर्वोच्च अदालतमा गरेको न्यायाधीश सिफारिसले न्यायालयको मर्म विपरीत रहेको भन्दै संघीय संसद्को सुनुवाई समितिमा तीनवटा उजुरी परेका छन् । ती उजुरी विशेष गरी न्यायाधिश मनोज शर्मा र प्रकाश कुमार ढुंगानाविरुद्ध छन् ।
नेपाल बार एसोसिएसनका पूर्वअध्यक्ष एवं वरिष्ठ अधिवक्ता शम्भु थापाले सर्वोच्चका न्यायाधिश सिफारिसमा संविधानले गरेको व्यवस्था न्यायपरिषद्ले खेल्नुपर्ने भूमिका, न्यायाधिश नियुक्तिमा परिषद्को उत्तरदायित्व लगायत बुँदा समावेश गरेर ७ पृष्ठ लामो उजुरी दर्ता गरेका छन् ।
उनले उजुरीमा विशेष गरी शर्माबारे उल्लेख गरेका छन् । ‘सुनुवाई सम्म पर्खनुहोस्, सबै कुरा बाहिर आउँछ,’ थापाले भने, ‘यसअघिका उजुरी बेनामे हुन्थे, मैले नाम र मोबाइल नम्बरसहित उजुरीमा उल्लेख गरेको छु ।’
ढुंगानाबिरुद्ध पनि उजुरी दर्ता भएको छ । ‘उजुरी बारे भन्न् मिल्दैन,’ समितिका एक कर्मचारीले भने, ‘दर्ता गराउन बैशाख २ सम्म समयसीमा तोकिएको छ । उजुरीमाथि बैशाख ३ गते छलफल हुनेछ ।
आइतबारको कान्तिपुर दैनिकमा दीपेन्द्र विष्टले लेखेका छन् ।
वि.सं.२०७६ वैशाख १ आइतवार ०८:०८ मा प्रकाशित
