हामी सबैकाे संसारन्यूज

५ बैशाख, काठमाडौ । स्थानीय तहका जनप्रतिनिधिले सवारी सुविधा नभएको गुनासो गरिरहँदा सिंहदरबारस्थित मन्त्रालयका कर्मचारीले भने सरकारी गाडीको रजाँइ गरेको तथ्य सरकारी प्रतिवेदनले उजागर गरेको छ ।

गत आर्थिक वर्षको लेखा परीक्षणका क्रममा सिंहदरबारस्थित २२ मन्त्रालयमा १ हजार ३ सय २३ अधिकृतस्तरका कर्मचारी रहेकामा दर्ता कागजात नभएका समेत १ हजार ५ सय ७७ सवारीसाधन चालू अवस्थाका रहेको देखिएको हो । यसरी हेर्दा २ सय ५२ वटा सवारीसाधन सरकारी कर्मचारीले उद्योग गरेको देखिन्छ ।

सबैभन्दा धेरै गृह मन्त्रालयका ९० कर्मचारीले १ सय ७४ वटा र प्रधानमन्त्री तथा मन्त्रीपरिषद्का कार्यालयका ९४ कर्मचारीले १ सय ५१ वटा सवारीसाधन प्रयोग गरेको देखिएको छ । बिहीबारको कारोबार दैनिकमा रोशन थापाले लेखेका छन् ।