७ बैशाख, काठमाडौं । इलाका प्रहरी कार्यालय बिर्तामोडको हिरासतभित्र एक बालकको मृत्यु भएको घटनालाई प्रहरीले गुपचुप राख्दै घटना परिवर्तन गर्न खोजेको मानबअधिकाकर्मीको आरोप छ ।
चोरीको आरोपमा चैत २९ गते दिउँसो प्रहरीले नियन्त्रणमा लिएका झापाको मेचीनगर नगरपालिका ६ का १५वर्षीय किरण कार्की ढोली बैशाख २ गते बिहान २ बजे झुण्डिएको अवस्थामा हिरासतमै मृत भेटिएको प्रहरीले बताएको थियो ।
हिरासतभित्रै आत्महत्या गर्न सक्ने अवस्था नहुनु र प्रहरीले त्यसपछि सबै प्रमाण लुकाउने प्रयास गर्नुले घटना आत्महत्या नभई हत्या भएको मानबअधिकार कर्मीको भनाई छ । झापाका मानब अधिकारकर्मीले शुक्रबार विर्तामोडमा पत्रकार सम्मेलन गरेर घटना नियोजित भएको बताएका छन् ।
घटनाको प्रकृति र स्थान हेर्दा त्यो आत्महत्या हुनै नसक्ने मानबअधिकार सञ्जालका अध्यक्ष विष्णु खरेलको भनाई छ । शनिबारको अन्नपूर्णपोष्ट दैनिकमा झापाबाट रबिन भट्टराईले लेखेका छन् ।
वि.सं.२०७६ वैशाख ७ शनिवार ०७:५६ मा प्रकाशित
