हामी सबैकाे संसारन्यूज

७ बैशाख, दाङ । चुल्सीपुरस्थित बेलझुण्डीमा अन्तराष्ट्रिय स्तरको एथलेटिक्स ट्रयाक त बनेको छ । नजिकै बस्ति र पसल नहुँदा खेलाडीले भोकसमेत मेट्न पाएका छैनन् । होटलमा बसेरै ब्रेकफास्ट गरेर आएका खेलाडी शुक्रबार अपरान्ह् दौडपछि खाजा खोज्न भौतारिँदै थिए । गेट नजिकैको सानो चिया पसलमा चाउ चाउ साध्न लगाए ।

प्रदेश १ को प्रतिनिधित्व गरेर सम्पाल्मु शेर्पा, दिपा बस्नेत र अजिता गिरी एउटै थालमा साँधेको चाउचाउ खान व्यस्त थिए । उनीहरु फरक फरक जिल्लाबाट आएका हुन् । खेलकुदमै हिँड्दाहिँड्दै पछिल्लो समय मिल्ने साथी भएका छन् । त्यसैले उनीहरु एउटै थालमा चाउ चाउ खाँदै थिए ।

‘दौडिने खेलाडीले यसरी जथाभावि खान हुन्छ त ?’ एउटीले जवाफ फर्काइन्, ‘भोकले मर्न लागिसकियो । के खानु त अरु ? गुरुहरुले त जथाभावि नखानु भनेको छ नि । भोक लाग्यो क्यारे, खाइयों ।’

उनीहरु जस्तै थुप्रै खेलाडी चिया खोज्न भौतारिरहेका थिए । प्रतियोगितामा अलिकति पनि अनुभव बोकेका खेलाडीले आफ्नो व्यवस्थापन आफैले गरिरेका छन् । शनिबारको कान्तिपुर दैनिकमा सुदीप केसीले लेखेका छन् ।