Sansar News
१९ बैशाख, वीरगन्ज । जिल्ला प्रशासन कार्यालय अगाडि नागरिकता लिन लामबद्ध नागरिकको एउटा भिडियो एक सातादेखि भाइरल भएको छ । भिडियो बनाएर फेसबुकमा अपलोड गर्ने नम्रता वाग्लेले नागरिकता लिने लाइनमा भारतीय नागरिक मात्र रहेको बताएकी छन् ।
नेपाल सरकारले जन्मका आधारमा नागरिकता लिएका नागरिकका सन्तानले वंशजको नागरिकता पाउने निर्णय गरेपछि भारतीय भिड बढेको उनको दावी छ । यस्तो देखेर आश्चर्य चकित भएको उनले बताएकी छन् ।
वाग्लेको पोस्टमा विरगन्जका सामाजिक अभियन्ता आशु सर्राफले लेखेका छन् ‘के कारणले तपाईले सबैलाई भारतीय नागरिक भन्नु भयो ?’ सरार्फले लेखेका छन्, गोरो छाला नभएका हरेक व्यक्तिलाई भारतीय देख्ने तपाईको मानसिकतलाई उपचार आवस्यक छ ,मलाई प्रष्ट्याइदिनुस् कुन आधारमा भारतीय नागरिक भन्नु भयो ?’ तर नम्रताले भने यसको जवाफ दिएकी छैनन् ।
गृृहमन्त्रालयले पनि ती महिलाको खोजविन गर्न जिल्ला प्रशानसन कार्यालयलाई निर्देशन दिएको छ । प्रमुख जिल्ला अधिकारीले पनि भिडियोले भ्रम फैलाएको बताए । बिहिबारको कान्तिपुरमा वीरगन्जबाट भूषण यादवले लेखेका छन् ।
वि.सं.२०७६ वैशाख १९ बिहीवार ०७:४७ मा प्रकाशित
