हामी सबैकाे संसारन्यूज

३१ बैशाख, विराटनगर । दुई दिन सम्म पथरी बजार तनाब ग्रस्त बनाएको २९ वर्षीया रुपा भनिने रिनाको बस्नेतको मृत्यु प्रकरणको अन्तिम पोस्टमार्टम रिर्पोट सोमबार आएको छ ।

फरेन्सीक (विधि विज्ञान) ल्याब रिर्पोटबाट प्राप्त भएको पोस्टमार्टम प्रतिवेदनले उनको हत्या नभएको पृष्टि गरेको मोरङका प्रहरी प्रवक्ता डीएसपी घनश्याम श्रेष्ठले जानकारी दिए । शवको पोष्टमार्टम बीपी कोइराला स्वास्थ्य विज्ञान प्रतिष्ठान धरानमा गरिएको थियो ।

मृत्युको घटनालाई जोडेर तीनजनासँग गरिएको पोलिग्राफ जाँचको अन्तिम रिर्पोट सोमबार प्राप्त भएको हो । प्रहरीले रिनासँग लामो समयदेखि सम्पर्कमा रहेका प्रतिष्ठित व्यापारी सहित ५० जनासँग सोधपुछ गरेको थियो । रिनाका प्रेमी भनिएका मोरङको सुन्दर हरैंचा नगरपालिका ३ का कमल नेपाल, कमलकी पत्नी मनिता र रिना बस्ने फ्लाटमै डेरा गरी बस्दै आएका मदन गुरागाईँको पोलिग्राफ पनि जाँच गरिएको थियो ।

रिर्पोटमा यौनजन्य क्रियाकलाप नभएको, मादक पदार्थ सेवन गरेको, करङ भाचिएको, हतियार प्रहार नभएको, विषय वा बेहोस बनाउने औषधि जन्य पदार्थ प्रयोग नभएको र टाउको तथा छात्तिको भित्रि भागमा चोटका कारण रिनाको मृत्यु भएको उल्लेख गरिएको डीएसपी श्रेष्ठले बताए । मंगलबारको अन्न्पूर्णपोष्ट दैनिकबाट