हामी सबैकाे संसारन्यूज

५ जेठ, काठमाण्डौं । नेपाली सेनाको भैरवनाथ गणमा भएको घटनामा अधारित ‘भैरबनाथ’ वृत्तचित्र आइतबार सार्वजनिक भएको छ ।

तत्कालिन माओवादी बन्दिहरुलाई दिईएको पाशविक यातना, वर्वरता र चरम नृंशंसतालाई उजागर गरिएको सो वृत्तचित्र कार्लेडोस्कप प्रोडक्सनद्धारा प्रस्तुत गरिएको हो ।

तत्कालिन विद्यार्थी नेता तथा हाल नेकपाका केन्द्रीय सदस्य कृष्ण केसीले भोगेको यातना र उनकी श्रीमती दुर्गा केसीले व्यहोरेको पीडामा मुख्य आधारीत सो वृत्तचित्रमा भैरवनाथले वेपत्ता बनाएका ४७ माओवादी कार्यकर्ताको विषय पनि जोडिएको छ ।

राजधानीको कमलपोखरीस्थित कुमारी सिनेमा हलमा आइतबार बिहान सार्वजनिक सो वृत्तचित्र हेर्न पूर्वप्रधानमन्त्री तथा नेताहरु, मन्त्री, सांसदहरु, मानबअधिकारवादीहरु लगायतको उल्लेख्य उपस्थिति रहेको थियो ।

सोहि अवसरमा पूर्वप्रधानमन्त्री तथा नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले वित्तचित्र सत्य घटनामा आधारित रहेको बताउँदै नेपालमा राजनीतिक परिवर्तन पछि समृद्ध नेपाल र सुखी नेपालीको आकांक्षातिर अगाडि बढिरहेको बेला त्यसका पछाडि हजारौं र लाखौंको त्याग, तपस्या बलिदान र पीडा छन भन्ने यसले राम्रोसँग अभिव्यक्त गरेको समेत बताएका थिए ।