Logo
३ कार्तिक २०७८, बुधबार
     Wed Oct 20 2021
E-paper
  English Edition
   Unicode
Logo

फिडेल क्यास्ट्रो र भियतनामका राष्ट्रपतिबीच भेटवार्ता



३ मङ्सिर, हवाना (क्युवा) । क्युबाका पूर्वनेता फिडेल क्यास्ट्रोले भियतनामका राष्ट्रपति ट्रान दाई क्वाङ्गसँग “भ्रातृत्व सम्बन्धस्तरीय” भेटवार्ता गर्नुभएको छ ।

दुईजना दाजुभाई धेरै पछि भेट भएसरह उहाँहरूको भेटवार्तामा दुई देशको आर्थिक तथा सामाजिक बिकासबारे आत्मियतापूर्वक छलफल र विचारको आदानप्रदान भएको छ । साथै विश्वब्यापी जलवायु परिवर्तन, मानवताविरुद्धका चुनौतीहरू, विभिन्न क्षेत्रमा भएका युद्धहरू, विश्व जनसङ्ख्यामा वृद्धि र विश्वव्यापी खाद्य सङ्कटलगायतका विषयमा पनि उहाँहरूले गम्भीर छलफल गर्नुभएको क्युबाको सरकारी समाचार समितिले जनाएको छ ।

उहाँहरूले क्युबा र भियतनामका वर्तमान साझा सवालका विषयगत सङ्घर्षमा विजयी हुने उच्च मनोबलसमेत प्रकट गर्नुभएको छ ।

भेटवार्ताका क्रममा क्युबा क्रान्तिका ऐतिहासिक नेता क्यास्ट्रोले आफ्नो जमानामा धेरै पटक भियतनामको भ्रमण गरेको र अन्य एसियाली राष्ट्रका नेताहरूसँग पनि भेटवार्ता गरेको संस्मरण गर्नुभयो । विशेष गरी भियतनाममा प्रजातान्त्रिक जनगणतन्त्र पद्धति स्थापनाका लागि महान नेता हो चि मिन्हले दिनुभएको योगदानको स्मरण गर्दै नेता क्यास्ट्रोले हो चि मिन्हलाई गहिरो सम्मान प्रकट गर्नुभयो ।

पेरुमा आयोजित एसिया तथा प्रशान्त महासागरीय राष्ट्रहरूकाबीच आर्थिक सहयोग मञ्च (एपेक) नेताहरूको शिखर सम्मेलनमा भागलिन जाने क्रममा राष्ट्रपति क्वाङ्गले क्यास्ट्रोलाई भेट्नु भएको हो । साथै, एपेक बैठकमा क्युबाका वर्तमान नेता राउल क्यास्ट्रोलाई पनि उहाँले भेट्नुहुने जनाइएको छ । सिन्ह्वा


यो खबर पढेर तपाईलाई कस्तो महसुस भयो ?

वालिङ्, स्यांग्जा । पर्वतका जयनारायण तिवारी र स्याङ्जाका शोभाखर ढकाल नेकपा (माओवादी केन्द्र) को

काठमाडौं । बागमतीकी मुख्यमन्त्री अष्टलक्ष्मी शाक्यले विश्वासको मत पाउने स्थिति नबनेपछि नेकपा (एमाले)ले मतदानको

काठमाडौँ । नेपालमा भारतको वहार र उत्तर प्रदेश आसपास रहेका न्यून चापीय प्रणाली र

काठमाडौँ । नेकपा(एकीकृत समाजवादी) पार्टीले केन्द्रीय ज्येष्ठ कम्युनिष्ट मञ्च बनाएको छ । लामो समयदेखि

काठमाडौँ । नेकपा(एकिकृत समाजवादी) पार्टीले केन्द्रीय सल्लाहकार परिषद् गठन गरेको छ । सो पार्टीको