हामी सबैकाे संसारन्यूज

१९, आषाढ नवलपुर । सन्राइज बैंकले कावासोतीमा शाखा विस्तार गरेको छ ।

आफ्ना ग्राहकहरुलाई सेवा, सुविधा उपलब्ध गराउने अभिप्रायले बैंकले देशका विभिन्न भागमा शाखा संचालन गर्दै आइरहेको अबस्थामा ११२ औँ शाखा संचालनमा ल्याएको छ । बुधबार आयोजित औपचारिक कार्यक्रममा कावासोती नगरपालिकाका उपमेयर प्रेम शंकर मर्धानिया थारु र संचालक समिति सदस्य शैलेन्द्र गुरागाईंले संयुत रुपमा उद्घाटन गरेका हुन् ।

कावासोतीसहित बैंकको शाखा संख्या ११२ वटा पुगेको छ भने बैंकले नेपालअधिराज्य भर ३६ वटा शाखारहित बैंकिङ्गसेवा, ४ वटा एक्सटेन्सन काउण्टर, १२६ वटा ए.टि.एम मार्फत आफ्ना ५ लाखभन्दा बढी ग्राहकहरुलाई सेवा प्रदान गर्दै आइरहेको बताइएको छ ।

बैंकले आफ्ना सेवाहरु विस्तार गर्ने क्रममा, नेपालका अन्य स्थानहरुमा पनि थप शाखाहरु संचालन गर्दै जाने योजना रहेको बताएको छ ।