३ मङ्सिर,बेइजिङ । चीनमा पछिल्लो नौ महिनामा पानीको गुणस्तरमा सुधार आएको पाइएको छ ।
जलप्रदूषण न्यूनीकरणका लागि सन् २०१५ मा बनाइएको कार्ययोजना लागू भएकाले जलगुणस्तरमा सुधार आएको शुक्रबार एक अधिकारीले जनाएका छन् ।
पछिल्लो तीन महिनामा जलगुणस्तरमा चार प्रतिशत सुधार आएको वातावरण संरक्षण उपमन्त्री याओ यिङ्मिनले पत्रकार सम्मेलनमा जानकारी दिनुभयो । उहाँका अनुसार कार्ययोजनाको सफल कार्यान्वयनले उक्त सुुधार आएको बताउनुभएको छ ।
कार्ययोजनामा आउँदो सन् २०२० को अन्त्यसम्ममा जलप्रदूषण नियन्त्रण गर्ने लक्ष्य लिइएको छ ।
विशेष गरेर राजधानीका सातवटा नदीमा भइरहेको जलप्रदूषण सुधार्नमा कार्ययोजना केन्द्रित हुने भएको छ । रासस÷सिन्ह्वा
-->
