हामी सबैकाे संसारन्यूज

ब्लड क्यान्सरबाट पीडीत शहिद लखन गााँउपालिका गोरखाकी १४ बर्षिया गरिमा गुरूङ्ग र बोण्ड म्यारो क्यान्सर पिडित गंगाजमुना गाँउपालिका धादिङ्गका ३५ बर्षिय चन्द्रकिरण न्यौपानेको उपचारको लागि अष्ट्रेलियाबाट सामाजिक अभियान्ता शिब बन्जाराद्वारा सहयोग सँकलन अभियान सञ्चालन भएको थियो ।

सामाजिक सञ्जाल मार्फत गरिएको दुई हप्ते सहयोग सञ्चालन अभियानमा अष्ट्रेलियाको परोपकारी मनहरुबाट जम्मा १३०४.१० अष्ट्रेलियन डलर सहयोग सँकलन भएको थियो ।
उक्त सँकलित सहयोग रकम नाम्जुङ्ग सेवा समाजद्वारा दुबै बिरामीको उपचार्थ बराबरी बितरण गरिएको छ ।

गरिमा गुरूङ्गको उपचारकै क्रममा निधन भएको छ भने चन्द्रकिरण न्यौपानेको केहि आगामी हप्ता बोण्ड म्यारोको प्रत्यारोपण गर्ने तयारी भैरहेको छ । सहयोगी मनहरुमा दुबै परिबारका सदस्यहरूले हार्दिक धन्यबाद ब्यक्त गरेका छन् ।