हामी सबैकाे संसारन्यूज

प्रमुख प्रतिपक्षी दलले भने सम्झौता गर्ने बेला भइनसकाले हतार नगर्न आग्रह गर्दै आएको छ । सरकार र फार्क विद्रोही भने सम्झौतालाई तार्किक निष्कर्षमा लान लागिपरेका छन् । गर्नैपर्ने ।
नोवेल शान्ति पुरस्कार विजेता तथा कोलम्बियाका राष्ट्रपति जोन म्यानुअल सन्तोषले पुर्व राष्ट्रपति अल्भारो उरीभले नेतृत्व गरेको प्रमुख विपक्षी दललाई समेत सहमतिमा ल्याउने प्रयास गरिरहनु भएको छ ।
झण्डै ५२ बर्ष देखिको द्वन्द्व अन्त्य गर्नेगरी यसअघि भएको शान्ति सम्झौता जनमतसंग्रहबाट थोरै मत अन्तरले अस्विकृत भएपछि सरकार र विद्रोही फार्कका बीचमा नयाँ सम्झौता हुन लागेको हो ।
नयाँ सम्झौतामा फार्क विद्रोहीले गरेका विगतका अपराधहरुमा नरम हुने उल्लेख गरिएको छ । तर प्रतिपक्षी दलले भने विगतका अपराधीलाई कुनै माफी दिन नमिल्ने भन्दै कडा कारबाही गर्नु पर्ने व्यवस्था गर्न माग राखेपछि सम्झौताले जटील मोड लिएको हो ।
यो सम्झौताले फार्क विद्रोही समुहलाई राजनीतिक पार्टीको रुपमा रुपान्तरण गर्ने उद्धेश्य लिइएको छ ।
सन्तोषले संसद्मा सो सम्झौताको पक्षमा मतदान गर्न संसदका सदस्यहरुलाई दवाव दिनु भएको छ । संसदमा सन्तोषको गठबन्धनको बहुमत रहेको छ ।
कोलम्बियामा झन्डै आधा शताब्दी चलेको द्वन्द्वका कारण झन्डै दुई लाख ६० हजार जनाको मृत्यु भएको थियो भने लाखौँ विस्थापित भएका थिए । रासस÷एएफपी