Sansar News
मेरो झुपडीमा पत्थरले अब प्रहार नगर्नुहोस्
निर्बलको’ नि दिन आउँछ, अत्याचार नगर्नुहोस्
कहाँ पाउनु हुन्छ फेरि म जस्तो सोझो साथी
निर्मम वचनले भो यसरी तिरस्कार नगर्नुहोस्
आफ्नो बनाउने बहाना गरी मुटुमै रोप्नु’भो छुरा
सहेको छु यतिसम्म त अब चिर–फार नगर्नुहोस्
शान्ति र प्रेम छ साहेब, यो मुटु बुद्धको देश हो
हिंसा, द्वेष र कुसंस्कारको कारोबार नगर्नुहोस्
खोला बेच्नु’भो, माटो बेच्नु’भो, शीतल हावा बेच्नु’भो
दर्शन गर्नुस् पशुपतिको तर ब्यापार नगर्नुहोस्
रेलिङ्ग, बिजनबारी, दार्जि्लिङ, हाल -पथरी , मोरङ्ग, नेपाल ।
वि.सं.२०७६ भदौ २१ शनिवार ०९:०८ मा प्रकाशित
