हामी सबैकाे संसारन्यूज

२६ भदौ,चीन । गैरआवासीय नेपाली संघको आगामी नवौं सम्मेलनका लागि चीनबाट अमृता थापा ‘कन्चन’ ले एसिया प्यासेफिक महिला सहसंयोजकमा उम्मेदवारी घोषणा गरेकी छन् ।

लामो समयदेखि चीनमा व्यवसाय गर्दै आएकी तथा एनआरएनए चीनका पूर्वअध्यक्ष स्वर्गीय सुन्दर थापाकी पत्नी समेत रहेकी थापा एनआरएनए चाइनाको कार्यबाहक अध्यक्ष हुँदै हाल एनआरएनए आइसिसिको सदस्य समेत हुन् ।

एनआरएनएको मूल मन्त्र ‘नेपालीका लागि नेपाली’ भन्ने मुल नारालाई आफूले आत्मासाथ गर्दै आएको बताउने थापाले एनआरएनएमा आवद्ध रहेर ठूला कुरा गर्ने भन्दा पनि काम गरेर देखाउनुपर्ने अहिलेको आवस्यकता रहेको बताउँछिन् ।

एनआरएनए चीनमा सक्रिय भूमिका निभाउँदै आएकी थापाले एसिया प्यासेफिकमा रहेका गैरआवासीय नेपाली महिलाहरुको हक हितमा आवाज उठाउँदै समग्र महिलाहरुलाई देशको आर्थिक उन्नतीमा योगदान गर्नका लागि एकत्रित बनाउने पनि संसारन्युजसँग बताइन् ।