हामी सबैकाे संसारन्यूज

हुँदा-हुँदै…..
जोगाई राखेको बाउको एउटै ईतिहास
पल्टाई दियो मोरा सत्तारुड़ जेसिभिले
त्यहीँ बाजेको ईतिहासको नलिहाड बोकेर जाँदैछ नाति
नागरिकताको प्रयोगशालामा
रैथाने शुक्राणु जाँच गराउँन् ।

जँगल पारि नदी किनारमा बसेको
खोलाको देवतालाई
बेस्सरी केरयो अरे प्रयोगशालाको ज्योतिषीले
लाटी बुडेनी सिमेभुँमे र ल्याम्ल्यामेको बंशावली ।

येसैले असमञ्जसमा छ नाति
कहाँबाट देखाउँछ उसले
अडÞिबहादुरको बुडी औंलाको छाप
संबिधानको धारा पाँचमा
खै कसरी सुनाउँछ उसले
रामसिंग बाजेको भाइलोनमा
राष्ट्रप्रेमको धून ।

छक्कै परिरहेछ घरको कुलदेवता मष्टो पनि उसको त्रिसुलमा खिया लाग्दै गरेको देखेर
किन बज्दैन हिज जस्तो उसको
शंख घन्टी र डमरु
एकोहोरो बासिरहेछ घरको धुरीमा
गोठको भाले
गोठभरि मलसाँप्राहरुको रगरगि देखेर
सम्साँझै डराईरहेछ चिहान डाँड़ामा
जंगलको देवता
लुईचे कालिज र कोईलीहरु बाँस्न छाडयो भनेर ।

खै कता भाग्यो त्यो
दिउँसै काङलिङ फुक्ने रक्षकहरु
उल्टो फर्कि आएछ बरु
नर्क पुरयाई राखेको शनी–राहूहरु ।

अझ जोत्न खोज्दैछन् सत्तासीन जेसिभिले
भँडारदेखि आँगनसम्मकै
रैथानेहरुका शंकालु आयातन (?)
अहो अब कहाँ कसरी थाप्ने नातिले
छ्यातछ्याति बक्ने भुईँ फुटुवाहरु
चिन्ता बस्ने थान–थपनाहरु ।।