हामी सबैकाे संसारन्यूज

तिम्रो मेरो कुरो नमिले पनि गुनासो कुनै छैन्
आँखा अगाडि हुँदा पनि ओठमा हाँसो कुनै छैन्
त्यो जिन्दगी पनि के तिमी सँग साथ नहुदाँ
आउ सँगै बसै भन्दा पनि तिम्लाई चासो कुनै छैन् ।

~~~

२.
मान्छे म पनि हुँ चित दुखाउने कुरो नगर्नु
घात मलाई पनि हुन्छ झुक्याउने कुरो नगर्नु
दिल सबैको त्यतिकै दुख्छ जसरी आफ्नो
अरुलाई दोषलगाई गल्ती लुकाउने कुरो नगर्नु ।

~~~

३
यो दुनिया काही, मतलबको यार त होईन
स्वार्थमा लुकेको, नचिनेको प्यार त होईन
हेर्नमा दुनिया सुन्दर लाग्छ सबैलाई यहाँ
म भन्छु फटाहाले सोझालाई छल्ने बजार त होईन ।

~~~

४
बाम्च्नु नै छ भन्ने हाँसेर बाँचौ,
अटूट बन्धन गासेर बाँचौ ।
भरोसा छैन कतिपनि सासको,
रहुँन्जेल माया साटेर बाँचौ ।

~~~

५
नारीको सम्मानमा विश्वभरको मान्छे जुटेको छ,
अर्कोतिर त्यही नारीको हातको चुरा फुटेको छ ।
नारी दिवसको नारा फिजाएर मात्र हुँदैन हजुर,
हिंसा बलात्कार र दहेज प्रथाले नारी चुटेको छ ।