Sansar News
७ असोज, भारत । भारतमा अहिले प्याजको मूल्य आकासीइ रहेको छ । आज मंगलबार दिल्लीमा भारतीय सरकारले किलोको २२ रुपियाँमा प्याज दिए पछि प्याज किन्ने मानिसको घुइचो लागेको छ । सेप्टेम्बर महिनाको पहिलो हप्ता दिल्ली, मुम्बई र कलकत्तामा प्याजको मूल्य क्रमशः ५७, ५६ र ३४ रुपैँया थियो ।
सेप्टेम्बर महिनाको अन्तिमसम्म आईपुग्दा भारतका विभिन्न राज्यहरुमा प्याजको मूल्य ७० देखि ८० भारतीय रुपैँया सम्ममा किनबेच भइरहेको भारतीय संचारमाध्यमहरुले जनाएका छन् ।
यसैबिच भारतीय सरकारले मंगलबार दिल्लीमा किलोको २२ रुपैँयाका दरले प्याज बेच्न थालेको छ । स्मरण रहोस् पछिल्लो समय भारतीय अर्थतन्त्रमा मन्दि छाएको तथा करिब ४ करोडले रोजगारी गुमाउन सक्ने कुरा सार्बजनीक भएको थियो ।
मन्दितर्फ धकेलिएको अर्थतन्त्रलाई त्राण दिनका लागि भारतीय सरकारले अध्यादेश मार्फत ठूलो रकम रिजर्भ बैंक अफ ईन्डियाबाट निकालेर मन्दितर्फ अग्रसर भएको अर्थतन्त्रलाई पुनर्जीवन दिन प्रयोग गर्दै छ । यसैको एक हिस्सा स्वरुप प्याजको मूल्य नियन्त्रण गर्न खर्च गर्न लागेको जस्तो देखिएको छ ।
वि.सं.२०७६ असोज ७ मंगलवार १५:५४ मा प्रकाशित
